លោក​ហួធី​នាងបានចូលបម្រើការងារនៅក្នុងក្រុមហ៊ុនអង្គរហ្គ្រីន ចាប់តាំងពី ខែតុលា ឆ្នាំ ២០១៣ មានទួនាទីជានាយកប្រតិបត្តិគម្រោងជី-ថ្នាំកសិកម្ម ដែលជាគម្រោងដ៏ធំបំផុតនៅក្នុងក្រុមហ៊ុន។ មុនពេលធ្វើការជាមួយក្រុមហ៊ុនអង្គរហ្រ្គីន លោក ធីនាង បានធ្វើការជាមួយអង្គការក្រៅរដ្ឋាភិបាល និងស្ថាប័នរដ្ឋាភិបាលមួយចំនួនក្នុងវិស័យអប់រំ។ លោក ធីនាង ក៏បានដំណើរការអាជីវកម្មជាច្រើនក្នុងវិស័យកសិកម្មដោយជោគជ័យផងដែរ។ លោក ធីនាង គឺមានជំនាញច្បាស់លាស់ក្នុងការធ្វើផែនការអាជីវកម្ម ហើយលោកកំពុងដឹកនាំបុគ្គលិកច្រើនជាង 70នាក់ ជាពិសេសបុគ្គលិកដែលបានបញ្ចប់ការសិក្សាជំនាញកសិកម្ម ដើម្បីផ្តល់ការគាំទ្រលើកសិដ្ឋាន ការបណ្តុះបណ្តាលកសិករ ការជ្រើសរើស និងជួយគាំទ្រម្ចាស់ដេប៉ូចែកចាយជី-ថ្នាំកសិកម្មចំនួនច្រើនជាង 300ដេប៉ូ នៅទូទាំងប្រទេស។ លោក ធីនាង មានទេពកោសល្យដ៏អស្ចារ្យក្នុងការកសាងក្រុម ដឹកនាំ និងលើកទឹកចិត្តក្រុមដើម្បីដឹកនាំខ្លួនឯងឱ្យសម្រេចបាននូវផែនការ និងគោលដៅរបស់ក្រុមហ៊ុន។ សំខាន់ជាងនេះទៅទៀត លោក ធីនាង ធ្វើការយ៉ាងជិតស្និទ្ធជាមួយដៃគូអាជីវកម្ម/អ្នកផ្គត់ផ្គង់ ដើម្បីបង្កើតផលិតផល និងកិច្ចសហប្រតិបត្តិការអាជីវកម្មរយៈពេលវែង។

លោក ធីនាង បានទទួលបរិញ្ញាបត្រផ្នែកទំនាក់ទំនងអន្តរជាតិ និងគរុកោសលនៃវិធីសាស្រ្តបង្រៀន។