អាហារសាមគ្គីប្រចាំឆ្នាំ ត្រូវបានរៀបចំឡើងជារៀងរាល់ឆ្នាំដោយក្រុមហ៊ុន Angkor Green និងមានការចូលរួមពីដេប៉ូចែកចាយឆ្នើមរបស់ក្រុមហ៊ុនទូទាំងប្រទេសកម្ពុជា។

ថ្មីៗនេះ អង្គរហ្គ្រីន បានរៀបចំកម្មវិធីអាហារសាមគ្គីគ្រួសារអង្គរហ្គ្រីន នៅសណ្ឋាគារភ្នំពេញ នៅថ្ងៃទី២៤ ខែកុម្ភៈ ឆ្នាំ២០១៩ ដោយមានការចូលរួមពីដេប៉ូចែកចាយទូទាំងប្រទេស នឹងមានការចូលរួមពីដៃគូក្រៅប្រទេសផងដែរ។ ដៃគូរក្រៅប្រទេសដូចជា ថៃ អេស្ប៉ាញ អូស្ត្រាលី និងដៃគូក្នុងស្រុកដូចជា CAVAC, Swiss Contact, Swiss, SNV, Cambodia Harvest 2 បូករួមទាំងសមាជិកក្រុមគ្រួសារ Angkor Green ទាំងអស់ ដែលមានអ្នកចូលរួមសរុបជាង ២០០នាក់។

កម្មវិធីនេះបង្កើតឡើងក្នុងគោលបំណងបង្កើនភាពស្និទ្ធស្នាលរវាងក្រុមហ៊ុន និងដេប៉ូ ជាពិសេសដើម្បីបង្កើតឱកាសមិត្តភាពរវាងដេប៉ូមកពីតំបន់មួយ និងដេប៉ូខេត្តមួយទៀត។កាជួបជុំគ្នានេះ មិនត្រឹមតែបង្កើតភាពស្និទ្ធស្នាលប៉ុណ្ណោះទេ វាក៏ជាឱកាសសម្រាប់ពួកគេក្នុងការចែករំលែកចំណេះដឹង និងជំនាញ ដើម្បីពង្រឹង និងពង្រីកអាជីវកម្មរបស់ពួកគេ បន្ថែមទៀត។ដេប៉ូទាំងអស់នឹងមានឱកាស

• មើលនិន្នាការនៃការអភិវឌ្ឍន៍កសិកម្មនៅកម្ពុជា។
• ទទួលបានចំណេះដឹង និងជំនាញបច្ចេកទេសក្នុងការប្រើប្រាស់ជី ថ្នាំសម្លាប់សត្វល្អិតកាន់តែប្រសើរ។
• ទទួលបានព័ត៌មានអំពីការគ្រប់គ្រងអាជីវកម្មទំនើប ជាពិសេសការប្រើប្រាស់បច្ចេកវិទ្យាក្នុងអាជីវកម្ម

យើងក៏សូមថ្លែងអំណរគុណផងដែរចំពោះការគាំទ្រ និងកិច្ចសហការយ៉ាងជិតស្និទ្ធជាមួយក្រុមអង្គរហ្គ្រីននាពេលកន្លងមក។ ហើយយើងសង្ឃឹមយ៉ាងមុតមាំថា កិច្ចសហប្រតិបត្តិការដ៏ល្អនេះ នឹងជួយយើងឱ្យរីកចម្រើន និងសម្រេចបានជោគជ័យរួមគ្នា ទាក់ទងនឹងការបង្កើនផលិតផលកសិកម្មនៅកម្ពុជា។