យើងបាននាំយកនូវបច្ចេកវិទ្យាថ្មីៗ និងគ្រឿងចក្រទំនើបៗជាច្រើនដែលមិនធ្លាប់មាននៅក្នុងប្រទេសកម្ពុជា ដើម្បីណែនាំដល់កសិករសម្រាប់ការដោះស្រាយបញ្ហាប្រឈមរបស់ពួកគាត់ដែលតែងតែជួបប្រទះ។ គ្រឿងចក្រ និងបច្ចេកវិជ្ជាកសិកម្មថ្មីៗទាំងនោះរួមមាន ម៉ាស៊ីនកាត់ស្មៅ ម៉ាស៊ីនច្រូតស្រូវ ត្រាក់ទ័រ ម៉ាស៊ីនកាត់ឈើ ម៉ាស៊ីនផ្លុំដី និងគ្រឿងកសិកម្មជាច្រើនទៀត......។ល។
យើងបានផលិតគ្រឿងចក្រកសិកម្មទំនើបៗមួយចំនួនដែលមានគុណភាពនិងស្តង់ដារខ្ពស់ដែលអាចប្រកួតប្រជែងជាមួយប្រទេសដែលមានបច្ចេកវិជ្ជាទំនើបៗផ្សេងទៀតបានទាំងតម្លៃនិងគុណភាព។ AngkorSprayer ជាម៉ាស៊ីនបាញ់ថ្នាំស្វ័យប្រវត្តិដំបូងគេនិងទំនើបបំផុតក្នុងប្រទេសកម្ពុជាហើយត្រូវបាផលិតឡើងស្របតាមស្ថានភាពនិងទិដ្ឋភាពកសិកម្មនៅអាស៊ី ដែលងាយស្រួលប្រើ និងមានប្រសិទ្ធភាពទ្វេដងក្នុងការបាញ់ថ្នាំ។
យើងមានក្រុមបច្ចេកទេសដ៏ជំនាញ និងប្រកបដោយវិជ្ជាជីវៈដែលមានបទពិសោធន៍ជាច្រើនឆ្នាំក្នុងការកែច្នៃ និងផលិតគ្រឿងម៉ាស៊ីនដែលធ្វើតាមបច្ចេកវិជ្ជាចុងក្រោយបំផុតពីប្រទេសអភិវឌ្ឍន៍ផ្សេងទៀត។ បទ ពិសោធន៍ក្រុមការងាររបស់យើងក្នុងការធ្វើការជាមួយក្រុមហ៊ុនផលិតគ្រឿងយន្តឈានមុខគេក្នុងប្រទេសកម្ពុជា និងបណ្តុះបណ្តាលដោយអ្នកជំនាញផ្នែកមេកានិចមកពីប្រទេសជឿនលឿនដូចជាប្រទេសអ៊ីតាលី អាមេរិក ជប៉ុន ...។ល។
យើងតែងតែស្វាគមន៍ និងទទួលរាល់បញ្ហារបស់អតិថិជន និងការឆ្លើយតបយ៉ាងឆាប់រហ័ស ដើម្បីដោះស្រាយបញ្ហារបស់អតិថិជនយើង។ ជាមួយគ្នានេះ យើងកំពុងបន្តតាមដានវឌ្ឍនភាព និងបច្ចេកទេស។
យើងបានសហការជាមួយក្រុមហ៊ុនបដែលមានច្ចេកវិទ្យាទំនើបទទួលស្គាល់ទូទាំងពិភពលោកដូចជា New Holland, ISEKI, Ferrari/BCS, Muratori, Zanon, Caravagi…។ល។
Chat Now
